verbum quod locutus est Hieremias propheta ad Baruch filium
Neri cum scripsisset verba haec in libro de ore Hieremiae anno
quarto Ioachim filii Iosiae regis Iuda dicens
haec dicit Dominus Deus Israhel ad te Baruch
dixisti vae misero mihi quoniam addidit Dominus dolorem
dolori meo laboravi in gemitu meo et requiem non inveni
haec dices ad eum sic dicit Dominus ecce quos aedificavi
ego destruo et quos plantavi ego evello et universam terram
hanc
et tu quaeris tibi grandia noli quaerere quia ecce ego
adducam malum super omnem carnem ait Dominus et dabo tibi
animam tuam in salutem in omnibus locis ad quaecumque
perrexeris